Një marshim sensibilizues përgjatë bulevardit “Shën Gjergji” është zhvilluar sot me rastin e 8 marsit.
Kanë qenë gratë dhe vajzat e stafit të Bashkisë Korçë të cilat e kanë ideuar këtë marshim duke e quajtur një marshim frymëzimi që vjen nga Korça në prag të 8 marsit.
Të gjitha gratë dhe vajzat e pranishme kanë ecur me tullumbace shumëngjyrëshe në duar që nga luftëtari kombëtar e deri tek sheshi i teatrit, për të përcjellë mesazhe emancipimi për të gjithë vendin.
Benila Themeli, nënkryetare e Bashkisë së Korçës tha se pranvera në Korçë do të vijë së bashku me fotot e grave dhe vajzave korcare të cilat kanë bërë emër ne historinë e vendit të vendosura përgjatë zonës këmbësore.
Deputetja e qarkut të Korçës Edlira Bode ka qenë pjesë e marshimit frymëzues që u zhvillua këtë të premte në Korçë duke përcjellë mesazhin se çdo vajzë dhe grua duhet të ketë kurajon të ecë përpara dhe të ndryshojë jetën e vet.
Mesazhe sensibilizuese dhe frymëzuese kanë dhënë edhe gra e vajza të tjera të cilat kanë qenë pjesë e marshimit të zhvilluar në prag të 8 marsit.
