Zëvendëskryetari i LSi, Luan Rama deklaroi se KE ka rekomanduar thjesht hapjen e negociatave dhe se nuk ka asgjë konkrete.
Në një deklaratë për mediat, Luan Rama tha se edhe vitin e kaluar u rekomandua hapja e negociatave por asgjë konkrete nuk ndodhi,
Ai akuzoi qeverinë se nuk ka si synim integrimin e vendit por sabotimin e procesit pasi ka zgjedhur, sipas tij, të bashkëpunojë me krimin e krorrupsionin.
“Për negociatat vjet u bë festë dhe nuk kishte asnjë përgjigje pozitive. KE thjesht dha rekomandim e kjo nuk është një gjë e re. Opozita madje ndaloi protestat dhe sërish nuk kishte hapje negociatash. Në shtator të vitit të kaluar, opozita u kthye në Kuvend, donte një pakt kombëtar për integrimin europian të vendit sepse përmbushja e kësaj pike është strategji kombëtare.Mirëpo, qeveria nuk pranoi frymën e bashkëpunimit dhe kompromisit. Kjo maxhorancë e pengoi frymën bashkëpunuese dhe sabotoi procesin integrimin e vendit. Qeveria sabotoi integrimin për në BE për shkak të korrupsionit dhe krimit të organizuar. Qeveria po dëshmon se nuk ka prioritet integrimin europian të vendit, por ka agjendë tjetër nga agjenda kombëtare e integrimit europian të Shqipërisë.”
