Vazhdon të rëndohet kriza ekonomike në Turqi, ku këtë të hënë vlera e lirës ra me 5 për qind kundrejt dollarit amerikan.
Gjatë këtij viti, monedha kombëtare turke ka humbur rreth 55 për qind të vlerës së saj.
Presidenti Rexhep Tajip Erdogan deklaroi se në të kaluarën ka arritur që ta ulë inflacionin dhe se këtë gjë do të arrijë ta bëjë sërish.
RECEP TAYYIP ERDOGAN
PRESIDENT I TURQISË
“Nëse Turqia është tashmë kaq e fortë përballë krizave globale dhe nëse ajo ka kaq shumë vetëbesim për t’i kthyer krizat në mundësi, pas kësaj qëndron pikërisht infrastruktura e fortë. Tani të njëjtën luftë po e bëjmë në ekonomi. Të gjithë indekset, si shifrat e rritjes, prodhimit, punësimit, eksportit dhe ekuilibrat e buxhetit tregojnë për një sukses global të Turqisë.Ashtu siç ka qenë deri më sot, edhe këtej e tutje ekonomia turke do të vazhdojë rrugën e saj në përputhje me rregullat e ekonomisë së tregut të lirë”
Erdogani ka detyruar Bankën Qendrore që të ulë normat e interesit, pavarësisht se inflacioni ka arritur në mbi 20 për qind.
Sipas besimit islam, myslimanëve u ndalohet që të marrin ose të vendosin interes ndaj parave të marra borxh.
Presidenti disa dite me pare njoftoi se do të rrisë pagën minimale për 50 për qind por shumë qytetarë u shprehen se ky hap nuk do të mjaftojë per ti dhene zgjidhje krizes.
