Autoritetet portuale të Tunizisë thanë se kishin gjetur trupat e 16 emigrantëve në brigjet e qyteteve Malouleh, Salakta dhe Sheba, në mbytjen e fundit të anijes së emigrantëve që largoheshin nga vendi i Afrikës së Veriut për në Evropë.
“Trupat u gjetën gjatë fundjavës dhe të hënën. Viktimat nuk janë identifikuar sepse trupat janë në gjendje dekompozimi,” tha Houshem Eddin Jebambili, një zyrtar i gardës kombëtare tuniziane.
Në shtator, të paktën 15 tunizianë vdiqën, duke përfshirë tre foshnja, teksa 10 të tjerë janë ende të zhdukur pasi anija në të cilën ndodheshin u mbyt në ishullin Djerba në brigjet verilindore të Tunizisë.
Në të njëjtin muaj dhe në të njëjtën zonë, u gjetën trupat e 13 emigrantëve nga vendet e Afrikës Sub-Sahariane.
Tunizia po përballet me një krizë të paprecedentë migrantësh pasi ka zëvendësuar Libinë si vendi kryesor i nisjes për migrantët, me origjinë nga Tunizia ose nga vende të tjera afrikane, që duan të arrijnë në Evropë./vizionplus.tv
