AKU ka konfiskuar 257 kg produkte mishi si dhe ka bllokuar një ambient ku kryhej therja e paligjshme e kafshëve të gjalla.
Gjatë një kontrolli të ushtruar në një subjekt në Kantundin e Ri në Durrës AKU konstatoi se ambjenti ishte tejet i amortizuar, i dhe nuk plotesonte asnje norme të kritereve higjeno-sanitare apo teknike-teknologjike per procesin e therjes se kafsheve te gjalla.
Sipas AKU, subjekti në këtë ambient përgatiste në mënyrë të paligjshme produktin ushqimor “Sallam”, për të cilin nuk kishte asnjë dokumentacion.
Nga kontrolli AKU bllokoi në subjekt 219 kg mish gjedhi, 14 kg mish deleje dhe 24 kg sallam.
Per shkeljet e evidentuara, AKU vendosi masat administrative:
Gjobë në vlerën 100 000 lekë për therje të kafshëve të gjalla në mënyrë të paligjshme,
Gjobë në vlerën 150 000 lekë për mungesën e gjurmueshmërisë së produkteve ushqimore,
Konfiskimi te produktet ushqimore (të cilat do t’i nënshtrohen procesit të asgjesimit) dhe mjetet e punës (çengela, thika etj..) me te cilat eshte kryer aktiviteti i paligjshem.
Bllokim i ambientit te improvizuar dhe te perdorur për kryerjen e procesit te paligjshëm te therjes se kafshëve të gjalla.
