Kevin Hart dalëngadalë po përballet me tmerrin e shumicës së baballarëve. Vajza e tij Heaven, 12-vjeç, filloi të krijojë pëlqimet e para për djemtë rreth saj. Edhe përse nuk kemi shumë detaje lidhur me këtë pjesë, duket se Heaven ka marrëdhënie më të mira me babain komik, sepse me të hapet shumë për gjerat personale.
Në intervistën e tij të fundit, ylli i filmit Ride Along shprehet: “Është një gjë shumë e frikshme. Më tremb pjesa që vajza po bëhet adoleshente. Ajo që tani është një fëmijë me kërkesa të forta, përshembull tani po organizon një festë me futbollistë. Më pyeti dhe i thash patjetër zemër. Nuk ekziston fjala jo, sado i lodhur të jem.”
Aktori i Hollywood shton: “Pjesa e djemve më tremb vërtetë shumë. Në fakt Heaven flet me mua për ta, gjë që më nervozon, por nuk mund ta lejoj ta kuptojë këtë, sepse vajza ndihet komode kur rrëfehet tek unë. Ajo më thotë: babi, mendoj që më pëlqen ky djali. Është shumë i mirë, është super djalë.”
Aktori komik shton me shaka: “Pas kësaj them me vete, ehhh në mos e gjetsha atë djalë. Faktikisht, kjo është hera e parë që përballem me këtë, dhe nuk kam fare eksperiencë. Në familjen time jemi vetëm meshkuj. Unë nuk dua t`i ndaloj asgjë vajzës sime, por ajo është ende fëmijë dhe dua të kuptojë limitet, gjërat që duhet dhe nuk duhet të bëjë.”
