Këshilli i Sigurimit i OKB-së miratoi të hënën një propozim për një rezolutë që bën thirrje për armëpushim të menjëhershëm gjatë muajit të Ramazanit, si dhe lirimin e menjëhershëm dhe pa kushte të pengjeve të mbajtura nga Hamasi.SHBA abstenoi dhe nuk vuri veton. 14 anëtarët e mbetur të këshillit miratuan rezolutën, e cila u propozua nga 10 anëtarët e zgjedhur të organit.
“Populli palestinez ka vuajtur shumë. Kjo gjakderdhje ka vazhduar për një kohë të gjatë. Është detyrimi ynë t’i japim fund kësaj përpara se të jetë tepër vonë,” i tha këshillit ambasadori i Algjerisë në OKB Amar Bendjama pas votimit.
Lexo edhe :
Related Posts
Në një postim pas përfundimit të procesit, Sekretari i Përgjithshëm i OKB-së Antonio Guterres shkroi në X: Këshilli i Sigurimit sapo ka miratuar një rezolutë të shumëpritur për Gazën, duke kërkuar një armëpushim të menjëhershëm dhe lirimin e menjëhershëm dhe pa kushte të të gjithë pengjeve. Kjo rezolutë duhet të zbatohet. Dështimi do të ishte i pafalshëm”.
The Security Council just approved a long-awaited resolution on Gaza, demanding an immediate ceasefire, and the immediate and unconditional release of all hostages.
This resolution must be implemented. Failure would be unforgivable.
— António Guterres (@antonioguterres) March 25, 2024
Kryeministri izraelit Benjamin Netanyahu tha më herët se nëse SHBA nuk do të vendoste veton ndaj propozimit, ai do të anulonte largimin e delegacionit izraelit në Uashington, të kryesuar nga ministri Ron Dermer dhe kryetari i Asamblesë Kombëtare Tachi Hanegbi./vizionplus.tv
