Kandidatja për ambasadore e SHBA është pyetur këtë të martë nga Senati amerikan për prioritetet që ka në rast se do të marrë mandatin për të ushtruar detyrën në Tiranë.
Yuri Kim deklaroi se në rast se do të emërohet ajo do të përpiqet që të mbajë që të mbajë sa më larg influencën ruse dhe atë kineze.
Kandidatja për ambasadore e Amerikës në Tiranë u shpreh se do të punoj ngushtë me isntitucionet shqiptare në luftën kundër krimit e korrupsionit.
“Dua të ndihmoj shqiptarët të forcojnë institucionet e tyre që të kenë më shumë rezistencë ndaj përpjekjeve ruse për të ndërhyrë në punët e brendshme, por edhe atyre kineze. Edhe kinezët po përpiqen që të ndërhyjnë në ekonominë e Shqipërisë. Së dyti, mendoj se do të punoj ngushtë me shqiptarët si aleat të NATO-s, që të japë 2 përqindëshin e saj. Po ashtu, do të promovoj investimet amerikane në Shqipëri. Këtu do të fokusohem, në rast se konfirmohem”, deklaroi Yuri Kim.
E pyetur në lidhje me rolin që Shtetet e Bashkuara mund të luajnë për arritjen e marrëveshjes midis Kosovës dhe Serbisë dhe çështjes së ndryshimit të kufijve Kim theksoi para senatorëve se Uashingtoni ka dërguar dy të dërguar të posaçëm në rajon, ndërsa shtoi se ndryshimi i kufijve nuk është i dobishëm.
