Zyrtarët e shëndetit në Kaliforni po rekomandojnë të kryhen testime edhe për njerëzit asimptomatikë që jetojnë ose punojnë në vende me rrezik të lartë, siç janë infermierët në shtëpi apo në spital.
Ky rekomandim e bën Kaliforninë shtetin e parë amerikan që vendos që testimet për koronavirus të përfshijnë edhe njerëzit që janë të infektuar, por nuk kanë shenja.
Sipas autoriteteve shëndetësore, ky është një nga prioritetet kryesore për Kaliforninë tani. Teksa shumë prej shteteve janë fokusuar tek testimi vetëm i atyre pacientëve që janë të sëmurë dhe kanë shenja, Kalifornia ka vendosur të veprojë ndryshe, për sa kohë që disa njerëz janë në vijën e parë të rrezikut.
Guvernatori i Kalifornisë, Gavin Newsom tha të martën se shtetin momentalisht po kryen rreth 14.500 testime në ditë, por shtoi se ky numër është i mjaftueshëm për të arritur atë që kanë në plan. Ai tha se duhet të shtohen testimet përpara se vendi të nisë rihapjen.
