Kryeministri Edi Rama ndodhet në Estoni, me rastin e pjesëmarrjes në Konferencën Lennart Meri 2026, një nga forumet më të rëndësishme ndërkombëtare të debatit mbi politikën e jashtme, sigurinë dhe sfidat gjeopolitike globale, e organizuar këtë vit nën moton “Fati i favorizon të guximshmit”.
Gjatë një konference të përbashkët me kryeministrin e Estonisë Kristen Michal, Rama vlerësoi marrëdhëniet mes dy vendeve dhe theksoi rëndësinë e bashkëpunimit në fushën e digjitalizimit, arsimit dhe inteligjencës artificiale.
Rama vuri në dukje se Shqipëria synon të ndjekë modelin estonez të shërbimeve online dhe inovacionit, duke e konsideruar Estoninë një shembull të rëndësishëm për modernizimin e administratës publike.
Rama: Kur erdhët në Tiranë ishte ditë me shi. Është gjithmonë ngrohtë, por ishte ditë me shi sepse Keir Starmer e solli nga Londra. Sot është ditë me diell në Tallinn sepse e solla diellin nga Shqipëria. Faleminderit që më dhatë shansin të sjell diell këtu. Dua t’ju falenderoj për mikpriten shumë të ngrohtë. U befasova kur kuptova që kishit ushqim shumë të mirë. Me ju kërkojmë bashkëpunim, kërkojmë udhërrëfyesin estonez dhe jam shumë mirënjohës që na thatë se jeni gati të prisni njerëzit tanë të vijnë më shpesh të mësojnë prej jush dhe prej asaj që ju po bëni, sidomos në nielin e sektorit arsimor duke nisur me fëmijët për t’iu dhënë atyre instrumentet që të çojnë vendin në një tjetër nivel.
Ne duam të sigurohemi që edhe rrugëtimi ynë drejt 2030 të shtrohet me një njëjtin noviacion që e ka bërë Estoninë një markë globale. Edhe ne kemi 95% të shërbimeve tona online dhe synojmë te ecim përpara me Inteligjencën Artificiale. Ne jemi dy kombe që më së fundi jetojnë me dëshirën për të kapur të ardhmen, pasi janë mbajtur për një kohë kaq të gjatë në të shkuarën, jo për zgjedhjen e tyre, por për shkak të imponimit të regjimeve që ndanim. Jemi të vendosur të mbrojmë atë që kemi dhe kjo jo vetëm na bën kombe me të njëjtën mendësi, por na bën aleatë dhe miq të natyrshëm.
