Nga kjo e diel, në Izrael nuk është më e detyrueshme mbajtja e maskës në ambientet e jashtme. Vendimi vjen si një marrëveshje me ekspertët bazuar në rezultatet e fushatës së vaksinimit e cila çoi në një rënie drastike të të gjitha shenjave të pandemisë.
Ndërsa Franca ka rikhyer karantinën e detyrueshme për Argjentinën, Brazilin. Afrikën e Jugut dhe Kilin. Presidenti Emmanuel Macron premtoi se do të ofrohet këshillim psikologjik falas për fëmijët dhe adoleshentët, gjendja psikologjike e të cilëve është rënduar për shkak të pandemisë. Sipas ekspertëve, gjatë kësaj periudhe raste e depresionit, krizat e panikut dhe çrregullimeve mendore janë shtuar së tepërmi. Franca është shteti më i prekur europian sa i përket pandemisë dhe ndikimeve socio-ekonomike të saj.
