Punimet më kryesore inxhinierike në aksin Kardhiq-Delvinë kanë përfunduar. Më konkretisht, firma që po merret me ndërtimin përfundoi hapjen e tunelit të Skërfices.
Tashmë mbeten punimet për asfaltimin dhe rikonstruksionin e gjurmës së rrugës.
Ky aks është i një rëndësie të veçantë, pasi shkurton ndjeshëm distancën mes Tiranës dhe Sarandës.
Hapja plotësisht e këtij segmenti rrugor do të bëjë të mundur që udhëtimi nga Tirana në qytetin jugor, të realizohet për 3 orë.
Kjo vepër publike do të jetë në funksion të plotë në sezonin e ardhshëm turistik.
