Pavarësisht se e quajti Bashën personin më të pafajshëm mes demokratëve, Grida Duma, në Kuvendin Kombëtar të partisë, nënvizoi se mbështetja e saj pa kushte për kryedemokratin ka përfunduar.

 

Nga ana tjetër, ajo fajësoi ish-kryeministrin Sali Berishën për gjendjen e vështirë në të cilën ndodhet PD-ja.

 

“Berisha ishte i pari që shpalli masakrën zgjedhore, ai nuk e shlyen kurrë fajin ndaj respektit të demikratëve. Ai merr përsipër të vendosë një paralele të turpshme me BS dhe SHBA. Kujt ia tregon Berisha korruptimin e qeverisë së SHBA dhe në emër të kujt flet ai, kurrën e kurrës kjo akuzë monstruozë nuk mund të tolerohet. Kujt ia tregon Berisha dhe flet për besëprerje të Bashës, nuk e di se cfarë bese i ka dhënë Basha Berishës.  Por unë e di se kurën e kurrës nuk është shkelur statuti me përjashtimin e Berishës nga grupi parlamentar. Kryetar dua të them që mbështja ime pa kushte për ty ka marrë fund, ashtu siç ka marrë fund respekti pa kushte për autoritetin moral të Berishës. Kushtin për të mbështetur ty është të hapësh sytë dhe veshët ndaj demokratëve që janë pasoja e gjallë. Kushti im për të mbështetur ty është që ta lemë verbërinë 8-vjeçare dhe të shohim nga vetja se jeni ju që të na çoni në fitore ndaj Ramës. Kushti im më tutje është që duhet harruar si të mundim Edi Ramën me të njëjtin model bunkeri që ka ndërtuar ai me PS, më një PD të hapur dhe të gjerë e me moral.”

Leave a Reply

Your email address will not be published.