Pas oreve sfilitese para ambasadës shqiptare në Athinë, Greqia jep një lajm të mirë për shqiptarët.
Vendi fqinj ka vendosur të zgjase vlefshmërinë e pasaportave deri në datën 31 dhjetor të vitit 2020.
“Vizion Plus” ka siguruar vendimin e dates 8 gusht. Kjo do të thotë se deri në fund të vitit, pavarësisht se pasaporta ka skaduar, shqiptarët mund të marrin shërbimin që kërkojnë në zyrat greke.
Ditët e fundit me dhjetëra shqiptarë u dyndën tek selia diplomatike në greqi për të aplikuar për pasaportë. Shumë prej tyre ankoheshin se përcilleshin nga punonjësit për shkak të pandemisë.