Një bankë e nivelit të dytë në Tiranë ka rënë pre e një grabitjeje këtë të enjte. Autori i dyshuar, Bardhyl Fusha, është futur në ambientet e bankës me një çantë, brenda së cilës dyshohet se kishte një armë zjarri automatike.
Fusha ka nxjerrë armën dhe ka qëlluar një herë në tokë, duke shkaktuar panik tek të pranishmit.
Lidhur me ngjarjen, gazetari Armir Shkurti, i ftuar në emisionin Quo Vadis, e krahasoi episodin me ngjarje të ngjashme të vitit 1997.
Ai tha se ngjarja do të ishte shumë tragjike, nëse do ishte e organizuar.
“Më kujton ngjarjen e ’97-ës, kur morën peng punonjësit e një banke me argumentin që kishin humbur para. Sot mu kujtua po ajo histori. Kur një amator hyri dhe bëri atë që bëri. Po sikur të ishte e organizuar si ngjarje? Po ai fishek që bëri rikoshetë? Nëse niveli i sigurisë është ky, që është ky, se ka roje të lodhura, që quhen policë, por janë roje. Ata mezi mbajnë veten, për shkak edhe të pagës edhe të orarit të zgjatur. Ne na mbron Zoti. Krimi i organizuar nuk merret me banka. Ky i shkreti ishte i dëshpëruar”, tha Shkurti.
/vizionplus.tv
