Kreu i bashkisë së Tiranës ErionVeliaj, falënderoi qytetarët për pjesëmarrjen e tyre në zgjedhjet e pjesshme vendore.
Nga selia e PS, Veliaj tha se tashmë rezultati është i qartë dhe se në Rrogozhinë ka shumë punë për të bërë. Ai shtoi se të gjithë qytetarëve do t’u shërbehet pa diferencime.
“Për të gjithë ata që nuk votuan PS u them se do u shërbejmë të gjithëve me të njëjtë përkushtim. Ne do të vijojmë projektet tona në Rrogozhinë. Ne do të vendosemi në dispozicion në kohë të plotë për qytetarët e Rrogozhinës. Besoj se nuk kemi lënë asnjë hapësirë që të mendohej se një koalicion do të mundte PS. Ne duhet të ecim përpara në rrugë bashkëpunimi.”, tha ai.
