Interpol Tirana ekstradon nga Greqia një shtetas të dënuar me 9 vjet burg për “Vrasje”. I ekstraduari Saimir Gegolli 37 vjeç, ishte shpallur në kërkim ndërkombëtar, pasi Gjykata e Rrethit Gjyqësor Vlorë, e ka dënuar me 9 vjet burgim, për veprën penale “Vrasje”.
Sipas policisë ky shtetas në vitit 1997 i armatosur me armë zjarri pistoletë, së bashku me dy persona të tjerë A.K. dhe S.K., nën kërcënimin e armëve kanë ndaluar një makinë në afërsi të fshatit Uznovë dhe kanë detyruar të zbresin dhe të shtrihen përtokë të gjithë pasagjerët.
Njeri prej pasagjerëve ka kundërshtuar tu bindet dhe Saimir Gegolli i ka shtënë në kokë me armë, duke i shkaktuar vdekjen shtetasit N.M. Ndërkohë arrestimi i tij është bërë nga autoritetet greke me qëllim ekstradimi drejt vendit tonë.
