Përfaqësuesja e Kosovës përfundimisht ka mbetur jashtë Kampionatit Botëror të Boksit që zhvillohet në Serbi. Dardanët tentuan disa herë të futeshin në territorin serb, por autoritet i kërkonin të hiqnin simbolet e Kosovës për të lejuar kalimin.
Në një intervistë për Vizion Plus, sekretari i Federatës së Boksit, Latif Demolli tregoi gjithë ngjarjen në kufi, ndërsa tani shpresat janë që Federata Botërore të japë vendimin e dënimit ndaj shtetit organizator.
LATIF DEMOLLI- SEKRETARI I FEDERATES SE BOKSIT TE KOSOVES
Kemi tentuar 3 herë të nisemi për në kufi dhe aty autoritet pasi panë gjithë dokumentat përkatëse . Dy ore pritje, na thanë se na ka ardhur një vendim nga lart se nuk mund tju lejojmë në shtetin tonë me këto simbole. Vishni kostumin e AIBA-s nëse doni të hyni. Ne nuk pranuam..
Demolli tha se pret një dënim të ashpër për Serbinë, që sipas rregullores mund të shkojë deri në 10 vite pezullim.
LATIF DEMOLLI – SEKRETARI I FEDERATËS SË BOKSIT TË KOSOVËS
Une pres një dënim të ashper për Serbinë , si me Indinë disa vite më parë që u pezullua për 10 vite dhe që sot merr pjesë në aktivitete ndërkomëbare me kostumin e AIBA-s. Presim dhe Komitetin Olimpik të reagojë , duam drejtësi !
Në fund Demolli bëri një koment dhe për reagimin e kombëtares shqiptare kundrejt kësaj situate.
LATIF DEMOLLI – SEKRETARI I FEDERATES SE BOKSIT TE KOSOVES.
” Po e di. Jemi lidhur me skuadrën kuqezi, me kryetarjnerin Zef Gjoni. I kemi këkuar të mos tërhiqeshin pasi nëse do ta bënin, do pezulloheshin dhe nga Fedetata Botërore , gjë që nuk sillte asnjë gjë të mirë për të dyja palët. ”
Kampionati Botëror i Boksit nisi këtë të diel dhe përfundon në 6 nëntor.
