Në kuadër të strategjisë vjeshtë-dimër, edhe spitalet rajonalë do të trajtojnë rastet me Covid.
Nga Fieri, ministrja e Shëndetësisë, ogerta Manastirliu deklaroi se kanë filluar përgatitjet për shtimin e kapaciteteve, me qëllim përballimin e situatës në rast se do të ketë shtim të pacientëve qe kerkojne mjekim te specializuar.
OGERTA MANASTIRLIU
MINISTRE E SHËNDETËSISË
Kur do të tejkalohet numri i 500 pacientëve të planifikuar për t’u trajtuar në 4 spitalet Covid, që janë të destinuara, sipas një plani të mirëstrukturuar dhe skenarëve që tashmë ne i kemi të planifikuar, edhe spitalet rajonale të mundet të trajtojnë rastet. Për këtë qëllim ne kemi vijuar pajisjen me setet e nevojshme të aparaturave, për urgjencën dhe reanimacionin, që përfshin monitorë të matjes së parametrave vitalë të pacientit, respiratorë apo aspiratorë, shiringa elektrike, EKG.
Ministrja garantoi gjithashtu mbështetje për të gjithë bluzat e bardha nëpërmjet rritjes së pagave dhe përmirësimit të kushteve të punës.
“Ky është prioritet, ka qenë dhe mbetet prioritet i qeverisë shqiptare, për të vijuar mbështetjen maksimale qoftë nëpërmjet rritjes së pagave për mjekët dhe infermierët, qoftë nëpërmjet bonuseve, qoftë nëpërmjet mbështetjes për krijimin e kushteve më të mira të punës. Ashtu sikurse e kemi treguar në këto vite, kemi përmirësuar rrënjësisht sistemin shëndetësor në çdo spital, në çdo qendër shëndetësore. Patjetër që mbetet ende shumë për të bërë.
Autoritetet shëndetësore, kanë dyfishuar numrin e testimeve si dhe kanë rritur grupet e epidemiologëve në terren, për t’i paraprirë çdo skenari të mundshëm gjatë periudhës vjeshtë-dimër.
