Edhe Greqia është përfshirë nga zjarret. Banorët e 3 fshatrave në një zonë pyjore në rajonin Mani, janë detyruar të evakuohen pasi flakët nisën të përhapeshin me shpejtësi mëngjesin e kësaj të shtune.
Mediat greke raportojnë se flakët u janë afruar edhe zonave të banimit.
57 zjarrfikës me 20 automjete dhe disa helikoptere janë angazhuar për vënien nën kontroll të flakëve.
Por erërat e forta dhe temperaturat e larta po pengojnë përpjekjet e zjarrëfikësve. Përveç luftës për të vënë nën kontroll vatrën e zjarrit, autoritetet kanë nisur hetimet nëse mund të bëhet fjalë për zjarrëvënie të qëllimshme.
