Peleti, një mënyrë alternative për t’u ngrohur gjatë dimrit dhe për të kursyer energjinë elektrike, kushton dyfish më shtrenjtë se një vit më parë.
Një thes pelet prej 15 kg shitet 1.050 lekë me çmim pakice, nga 550 lekë që ishte dimrin e shkuar.
Nga fabrikat e prodhimit të peletit në vend shpjegohet se kjo rritje çmimi ka ardhur për shkak të kërkesës së lartë. Që prej nisjes së luftës në Ukrainë, tregjet ndryshuan dhe vendet evropiane po kërkojnë peletin shqiptar për t’u ngrohur.
ERI JONUSLLARI
FABRIKA E PRODHIMIT TE PELETIT
“Shqipëria nuk ka ndryshim në kërkesën e peletit por sepse tregjet evropiane nga boshllëku i krijuar nga Rusia dhe Ukraina, kanë rritur kërkesën e tyre. Prodhuesit shqiptarë sot kanë interes më të lartë për të eksportuar”.
Një tjetër faktor që ka ndikuar në shtrenjtimin e çmimit janë edhe kostot e shtuara për fabrikat e prodhimit dhe përpunimit.
ERI JONUSLLARI
FABRIKA E PRODHIMIT TE PELETIT
“Përveç rritjes së kërkesës, ka edhe kosto që sot i mori industria e peletit, energjia elektrike, nafta, fuqia punëtore.”
Pjesa më e madhe e prodhimit vendas të peletit është e destinuar për eksport, kryesisht në tregun italian dhe më pak në atë grek. Një pjesë e prodhimit konsumohet në vend, kryesisht nga institucionet publike si çerdhe dhe kopshte, shkolla dhe spitale.
Por Shqipëria nuk importon pelet, cka krijon kushtet për një situatë thuajse monopol të këtij tregu, pasi mungon konkurenca nga jashtë.
ÇMIMET E PELETIT ME PAKICË
2021-550 LEKË THESI
2022-1050 LEKË THESI
ÇMIMET E PELETIT ME SHUMICË
2021-350 LEKË THESI
2022-650 LEKË THESI
