Muxhahedinet iraniane, ose populli Muxhahedin i Iranit është nje levizje opozitare ne mërgim, qe synon rrëzimin e republikës islamike te Iranit. Lëvizja u themelua ne vitin 1965 nga nje grup studentesh te majte dhe u shndërrua ne nje organizate nacionaliste e përkushtuar per te rrezuar Shahun e Iranit dhe mbështetësit e tij. Ajo luajti rol aktiv ne protestat brenda vendit, shume pjesëtarë te saj u ekzekutuan e burgosen, por rezistenca e tyre çoi ne rrëzimin e mbretit ne vitin 1979. Pas revolucionit islamik, lëvizja hyri ne konflikt me regjimin pasues fondamentalist te Ajatollahut Khomeini dhe u vu ne shënjestër te sulmeve te Hezbollaheve. Ne fund te vitit 1981 shume anëtare dhe mbështetës te saj u larguan jashte vendit dhe qendra e tyre kryesore e strehimit u be Franca. Ne vitin 1986 lëvizja e zhvendosi bazen e operacioneve ne lindje te Irakut, por situata ndryshoi me pushtimin amerikan te Irakut. Forcat amerikane sulmuan objektivat e tyre por arritën armëpushim dhe pas çarmatosjes, u vendos qe ata te mbaheshin ne kampin Ashraf, ish-baze ushtarake irakiene. Ky grup rezistence qe me pare ishte konsideruar organizate terroriste nga SHBA per shkak te vrasjes se personelit amerikan ne Iran gjate viteve ’70 dhe per shkak te lidhjeve me ish-diktatorin irakien Sadam Husein, u hoq nga lista e zeze. Por me tërheqjen e amerikaneve nga Ashrafi ne 2011-en nisen aktet e dhunes mes tyre dhe ushtareve irakiane. Te paktën 35 pjesëtarë te tyre gjeten vdekjen. Me pas ate vit ata u zhvendosen ne kampin Liria, jashtë Bagdadit. Per shkak te pasigurisë per jetën lindi edhe nevoja e zhvendosjes se tyre nga Iraku drejt vendeve te tjera, mes te cilave ishte edhe Shqipëria. Ne vitin 2013 ne vendin tone u strehua grupi i pare i 210 muxhahedineve, ndërsa pritet edhe mbërritja e grupeve te tjera.
