Mijëra njerëz po evakuohen nga fshatrat përgjatë bregdetit lindor të Indisë pasi pritet që të goditen nga një ciklon I ashpër.
Ciklon Fani po shkon drejt shtetit të Orisës me shpejtësi të erës që tejkalon 200 km/h, dhe pritet që të godasë të premten.
Zyrtarët njoftuan se kanë mbyllur dy portet kryesore në bregun lindor, dhe mijëra shpëtues po ndihmojnë njerëzit që të largohen nga zonat e ulëta.
Zyrtarët i thanë BBC Hindi se rreth 800,000 njerëz janë duke u evakuar.
Pothuajse 100,000 prej tyre do të evakuohen nga Puri, një qytet në Orissa, pasi autoritetet besojnë se kjo është zona ku stuhia do të godasë më së shumti.
Puri është gjithashtu shtëpia e tempullit 858-vjeçar Jagannath dhe autoritetet janë të shqetësuar për pasojat që mund të shkaktojë cikloni në këtë godinë historike.
Ndërkohë, të gjitha shkollat dhe universitetet janë mbyllur.
Ciklon Fani do të jetë stuhia e katërt që godet bregun lindor të vendit në tre dekadat e fundit.
Në vitin 2017, Cyclone Ockhi vrau më shumë se 200 vetë.
Në tetor të vitit të kaluar po ashtu, zyrtarët në Orissa evakuan qindra mijëra njerëz pasi një tjetër ciklon goditi zonën.
