Kryeministri Boris Johnson është shëruar plotësisht nga koronavirusi. Ai do të kthehet me kohë të plotë në krye të qeverisë britanike nga e hëna. Burimet e “Downing Street” e konfirmuan këtë.
Burimet thanë që Johnson, pati një bisedë tre-orëshe me ministrin e Jashtëm dhe Sekretarin e Parë i Shtetit, Dominic Raab, që zuri vendin e tij në këto ditë për t’u përditësuar me të gjitha dosjet, ngjarjet dhe detajet.
Kryeministri britanik u shtrua në spital pas një përkeqësimi të simptomave të COVID-19. Ai qëndroi i shtruar një javë, ku përfshihen edhe 3 netë në terapi intensive.
Johnson rikthehet në krye të detyrës në një kohë të vështirë për Britaninë e Madhe, ku numri i viktimave është më shumë se 20 mijë.
