Në prag të mbarimit të sezonit veror, monedha europinae ka shënuar një forcim të lehtë kundrejt lekët, duke bërë që kursi të arrijë në ekuilibrin e 126 lekëve. Por sërish ky nivel i euros nuk është i kënaqshëm për eksportuesit, të cilët që prej fillimit të vitit e kanë problemin kryesor në aktivitetin e tyre.
Ndonëse nuk ka një analizë lidhur me efektet që ka dhënë ky fenomen tek sipërmarrësit, bizneset thonë se tashmë po ndjejnë presionin nga partnerët e tyre për gjetur klientë me kosto më të ulët nga vende të tjera.
Në fillim të vitit një euro këmbehej me 133 lekë. Por zhvlerësimi i shpejtë dhe i pandalshëm i euros përballë lekut bëri që për këtë vit eksportuesit ta kenë kërcënimin kryesor të aktivitetit të tyre.
Ky fakt detyroi edhe Bankën e Shqipërisë që të ndërhyjë në treg për të frenuar rënien e mëtejshme.
