Kryedemokrati Lulzim Basha deklaroi se Shqipëria ka pagën më të ulët në rajon.
Përmes një videomesazhi, ai krahasoi vendin tonë me Malin e Zi, duke shtuar se vendi fqinj ka një pagë minimale më të lartë. Fajin për këtë ai e la te kryeministri Edi Rama.
“Kjo qenka nje arritje e madhe e qeverisë! Paga minimale u rrit në 331.33 Euro! Kjo po që duhet festu…. Mos! Prit pak… Nuk qenka në Shqipëri, qenka në Mal të Zi. Paga minimale në Shqipëri është më e ulëta në rajon – 244 Euro Sepse ne kemi kryeministrin më të keq në rajon. Ta kthejmë Shqipërinë në rrugën e duhur. Të ngremë pagën minimale. Sepse Shqipëria Fiton!”, thuhet në videomesazh.
