Kryetari i Partisë Demokratike Lulzim Basha ishte ditën e sotme në një fasoneri në Sukth, ku pa nga afër situatën që po kalon biznesi i madh si pasojë e krizës ekonomike.
Gratë shqiptare, tha lideri demokrat, janë ato që ndërtojnë sipërmarrje të qëndrueshme dhe janë në ballë të komunitetit në kohë krizash.
“Gratë shqiptare janë gra të forta, plot energji. Ato udhëheqin çdo ditë ndryshimin dhe shpresën që po vijnë. Së bashku me këto zonja të mrekullueshme, ne do të udhëheqim ndryshimin për të gjithë shqiptarët!
Pjesë nga biseda:
Lulzim Basha: Duhet të silleni si familje.
Qytetarja:Po normale!
Lulzim Basha: Të mendojmë për njëri-tjetrin.Detyrat e qeverisë ti bëjë qeveria.Sipërmarrja të bëjë detyrat e veta. Secili të bëjë detyrat e veta. Unë këtë ju premtoj. Pas 25 prillit do keni një kryeministër, një qeveri që do bëjë detyrat e veta karshi jush. Do jetë në krahun tuaj, për xhepat tuaj.
Qytetarja:Rrugën e kemi shumë problem, me çizme dalim rrugës.
Lulzim Basha: Padiskutim!
Albana Vokshi: Për rrugën ju kam dhënë fjalën unë.
Qytetar: Kryetar, shiko. Në 2005 në komunën e Katundit të Ri ka pasur 800 metra rrugë. Nga 2005 deri ne 2013 u bënë 10 kilometra. Mbas 2013, paralizuar gjithçka.
Lulzim Basha: Që punët të bëhen, që lekët të shkojnë për shtrimin e rrugëve dhe për rritjen e pagave, duhet qeveria të mendojë për ju. Kaq e thjeshtë është. Flasim për pagat. Në qoftë se ne ulim kontributet shoqërore nga sa janë sot, në 18%, i ulim taksën tatim fitimin nga 15 në 9% , ulim çmimin e karburantit që është pjesë e kostos së prodhimit me 24 lekë të reja për litër, sigurisht që sipërmarrja do të ketë më shumë financa. Çfarë do të bëjë me këto financa? Do investojë, do hapi vende pune, do rrisë rrogat, e para kjo. E dyta, çfarë do të bëjmë ne me këto taksa të ulëta që do marrim? Këtë do bëjmë: do investojmë në infrastrukturë dhe në rrugë, në ujë të pijshëm, se është katastrofë në 2021-in të mos ketë ujë të pijshëm Durrësi, siç nuk ka shumica e Shqipërisë. Do investojmë për punësimin, do investojmë për kualifikimet, do investojmë për arsimin, për fëmijët. Pra, lekët e shqiptarëve do të shkojnëtek shqiptarët, ky është thelbi i programit tonë.
Qytetarja: Ne na kanë thënë drejtë, ju që jeni demokratë nuk do keni as rrugë, as ujë na thanë. Është lagje e madhe e jona, është shumë e madhe si lagje, prej vitesh demokratë. Vetëm nga inati na e bëjnë, na e kanë thënë drejtë në sy, s’keni për të patur as ujë, as rrugë.
Lulzim Basha: Këtë unë e besoj 100%. Po ti ta besosh që të njëjtën gjë bëjnë edhe me socialistët, i gënjejnë, as atyre nuk i çojnë. Kështu që, më 25 prill duhet të bëhemi të gjithë bashkë që mos të ngelet një njeri në shtëpi pa shkuar në kutinë e votimit, sepse kjo gjendje ndryshohet me votë dhe unë kudo ku shkoj këtë më thonë, mezi po presim të vijë 25 prilli, nuk durohet dot më. Bashkojmë votat, ta ndryshojmë që të fitojë Shqipëria, të fitojnë gratë shqiptare, të fitojnë familjet shqiptare, të fitojnë të gjithë shqiptarët.
