Anullohet konferenca Trump-Zelensky, shkak biseda e tensionuar! Presidenti i SHBA: Mund të kthehet në Shtëpinë e Bardhë kur të jetë gati për paqe

Konferenca e përbashkët për mediat mes presidentit të SHBA-ve Donald Trump dhe homologut të tij ukrainas, Volodymir Zelnsky është anulluar.

Sipas CNN konferenca është anulluar për shkak të bisedës së tensionuar mes dy liderve.

Lexo edhe :

Related Posts

Anulloi konferencën me Trump pas bisedës së tensionuar, reagon Volodymir Zelensky

Nga biseda e tensionuar te anullimi i konferencës, çfarë ndodhi mes Trump dhe Zelenskyt? Dalin detajet, kush ia komunikoi ukrainasve se duhet të largohen

Përplasja Trump-Zelensky, bota “ndahet” në mes/ Kush mbështeti presidentin e SHBA, e kush atë ukrainas? Të gjitha reagimet

Zelensky pas takimit me Trump: Europën e kemi parë çfarë di të bëjë për Ukrainën, tani është radha e SHBA ta tregojë

“Po luan bixhoz me Luftën e Tretë Botërore”, bisedë e tensionuar mes Trump, JD Vance dhe Zelenskyt: Po filloni të keni probleme që tani

Ndërkohë që Trump ka shkruar në “Truuth Social” se Zelebsky mund të kthehet në Shtëpinë e Bardhë “kur të jetë gati për paqe.

“Ne patëm një takim shumë domethënës sot në Shtëpinë e Bardhë. U mësua shumë që nuk mund të kuptohej kurrë pa biseda nën një zjarr dhe presion të tillë. Është e mahnitshme ajo që del përmes emocioneve dhe unë kam vendosur që presidenti Zelensky nuk është gati për paqe nëse përfshihet Amerika, sepse ai mendon se përfshirja jonë i jep atij një avantazh të madh në negociata. Unë nuk dua përparësi, dua PAQE. Ai nuk i respektoi Shtetet e Bashkuara të Amerikës në Zyrën e tyre të dashur Ovale. Ai mund të kthehet kur të jetë gati për paqe”, shkruan Trump.

Ndërkohë burime bënë me dije se gjatë bisedës në Zyrën Ovale ka patur mjaft tension mes dy liderve, ku trump i ka thënë Zelenskyt se po luan bixhoz me Luftën e Tretë Botërore, ndërsa zv-presidenti amerikan Jd Vance i ka thënë se ka treguar mungesë respekti ndaj Amerikës dhe nuk ka thënë asnjëherë faleminderit.