Turqia shpërfill apelin e zyrtareve te larte te BE, shefes se diplomacisë Mogherini dhe komisionerit te Zgjerimit, Hahn per te treguar vetëpërmbajtje ne krizën e ditëve te fundit ne raportet me Holandën. Ministria e Jashtme turke e ka cilësuar apelin te pavlere, duke theksuar se është e rende qe vendet e unionit te përkrahin Holandën, qe sipas saj ka shkelur te drejtat e njeriut dhe vlerat europiane.
Ndalimi i dy ministrave turq per te zhvilluar tubime ne Roterdam per te siguruar mbështetje per referendumin e 16 prillit, çoi ne nje tension te raporteve mes dy aleateve te NATO-s, ku presidenti turk Erdoan akuzoi autoritetet holandeze se po përdorin taktika naziste. Ankaraja ka ndaluar ambasadorin holandez te kthehet ne Turqi dhe ka pezulluar marrëdhëniet diplomatike te nivelit te larte. Sanksionet përfshijnë ndalimin e fluturimeve te diplomateve holandeze drejt Turqise, por jo kufizime per qytetare te zakonshëm. Kryeministri holandez Mark Rutte nuk shprehu shqetësim, duke thene se sanksionet diplomatike nuk janë shume te këqija.
Ndërkaq, zëvendëskryeministri turk Kurtulmush ka paralajmëruar se do te rishqyrtoje nje pjese te marrëveshjes se arritur me BE per emigrantet.
