Në një zhvillim historik për familjen mbretërore britanike, Andrew Mountbatten-Windsor u bë anëtari i parë i lartë i familjes mbretërore që arrestohet në kohët moderne, raporton The Guardian.
Arrestimi i tij pasoi pas publikimit të emaileve nga Departamenti i Drejtësisë i SHBA-së, që duket se tregojnë se ish-duka dhe vëllai i Mbretit Charles kishte ndarë me Jeffrey Epstein raporte për vizita zyrtare në Hong Kong, Vietnam dhe Singapor.
Një email datuar në nëntor 2010 duket se u dërgua nga Andrew te Epstein vetëm pesë minuta pas dërgimit të tij nga këshilltari i atëhershëm Amir Patel. Një tjetër email, në vigjilje të Krishtlindjeve 2010, duket se i kishte dërguar Epstein-it një përditësim konfidencial mbi mundësi investimi në rindërtimin e provincës Helmand në Afganistan.
Ndërkohë, policia e Thames Valley ka bërë të ditur se po kryen kontrolle në dy adresa në Berkshire dhe Norfolk, dy kontete të Anglisë. Detajet konsiderohen të rëndësishme, pasi Royal Lodge, shtëpia e mëparshme e Mountbatten-Windsor në Windsor, ndodhet në Berkshire, ndërsa Wood Farm, ku ai është zhvendosur së fundmi brenda pronës së vëllait të tij, Mbretit Charles, ndodhet në Norfolk.
/vizionplus.tv
