Policia e Durrësit ka arrestuar 25-vjeçarin Edison Brahaj, si bashkëpunëtor të Esmerald Ballës në ngjarjen e rëndë që ndodhi në Shënavlash.
Sipas bluve, pasi djali vrau babain, 25-vjeçari ka ndihmuar autorin që të transportojnë trupin e pajetë nga vendi i ngjarjes deri te vendi ku u gjet nga policia.
Lexo edhe :
Related Posts
Gjatë kontrollit në banesën e Edison Brahajt u gjet dhe u sekuestrua një shumë prej 145 000 lekësh.
25-vjeçari u arrestua për veprat penale “Moskallëzim i krimit”, “Veprime që pengojnë zbulimin e së vërtetës” dhe “Fshehja ose asgjësimi i kufomës”.
Policia po vijon hetimet e thelluara për zbardhjen e plotë të kësaj ngjarjeje.
“Në vijim të veprimeve hetimore të pandërprera, lidhur me ngjarjen e ndodhur në fshatin Shënavlash, ku djali vrau me armë zjarri babain e tij dhe e deklaroi të larguar nga banesa, duke pretenduar se kishte humbur kontaktet me të, veprimet janë intensifikuar dhe si rezultat është bërë i mundur identifikimi, kapja dhe arrestimi i bashkëpuntorit të tij, shtetasit E. B., 25 vjeç, banues në Sektor Rinia, Durrës.
Ky shtetas, i cili kishte lidhje shoqërore me autorin E. B., dyshohet se ka bashkëpunuar me të në transportimin me automjet të trupit të viktimës nga vendi i ngjarjes deri te vendi ku u gjet nga policia.
Gjatë kontrollit në banesën e E. B., u gjet dhe u sekuestrua një shumë prej 145 000 lekësh.
Për sa më sipër, ky shtetas u arrestua për veprat penale “Moskallëzim i krimit”, “Veprime që pengojnë zbulimin e së vërtetës” dhe “Fshehja ose asgjësimi i kufomës”.
Vijojnë hetimet e thelluara për zbardhjen e plotë të kësaj ngjarjeje.
Materialet procedurale i kaluan Prokurorisë për veprime të mëtejshme”, njofton policia./vizionplus.tv
