Merret e pandehur gjyqtarja Arnisa Këlliçi nën akuzën e kallëzimit të rremë dhe falsifikimit të dokumenteve nga Prokuroria e Tiranës.
Ajo ka bërë kallëzim më datë 20 janar dhe ka pretenduar se është kërcënuar me jetë së bashku me fëmijët e saj, përmes një letre.
Lexo edhe :
Related Posts
Organi i akuzës thotë se pas hetimeve intensive ka rezultuar se letra është shkruar nga vetë gjyqtarja, gjë që është zbuluar nga pamjet filmike të kamerave të sigurisë në gjykatë dhe nga marrja në pyetje e disa personave.
Menjëherë pas kallëzimit, Këshilli i Lartë Gjyqësor vendosi mbrojtje të posaçme ndaj magjistrates për 3-muaj.
Arnisa Këlliçi ka kallëzuar prokurorin Adriano Dyrmishi si personi që e ka shkruar letrën, por provat e organit te akuzës e hedhin poshtë këtë pretendim. nuk dihen ende motivet se pse magjistratja e ka ndërmarrë një akt të tillë.
/vizionplus.tv/
