Gjykata e Lartë në Rusi shpalli të paligjshme lëvizjen e komunitetit LGBTQ+ një vendim që shënon aktin më drastik kundër mbrojtësve të të drejtave të homoseksualëve, lezbikeve dhe transgjinorëve në vendin gjithnjë e më shumë konservator.
Menjëherë pas këtij vendimi, policia ka nisur kontrollet në në vendet ku rrinin anëtarët e komunitetit LGBTQ+.
Vendimi historik i së enjtes nga Gjykata e Lartë dërgoi një dridhje të re frike në komunitetin LGBTQ të Rusisë, i cili tashmë është përballur me një goditje në rritje vitet e fundit, ndërsa Presidenti Vladimir Putin kërkon të forcojë imazhin e tij si mbrojtës i vlerave tradicionale morale kundër Perëndimit liberal, raporton CNN.
Bastisjet u zhvilluan në të paktën tre vende argëtimi në kryeqytetin Moskë, sipas dy mediave të pavarura ruse të lajmeve Telegram, Ostorozhno Novosti dhe Sota.
Nga ana e zyrtarëve rus, deri më tani nuk ka pasur asnjë koment për aksionin e policisë.
Komuniteti LGBTQ i Rusisë tashmë është përballur me një mori ligjesh të reja. Në fund të vitit të kaluar, Putin nënshkroi një ligj që zgjeron ndalimin e të ashtuquajturës “propagandë” LGBTQ në Rusi , duke e bërë të paligjshme për këdo që të promovojë marrëdhëniet e të njëjtit seks ose të sugjerojë që orientimet joheteroseksuale janë “normale”./vizionplus.tv
