Kryeministri Edi Rama ka ndarë foto nga ambientet e brendshme të Piramidës së Tiranës, ku pritet të mblidhen zyrtarët e lartë të rajonit e jo vetëm. Në foton e ndarë dallohen karriket dhe përgatitjet e fundit, përpara nisjes së mbajtjes së Procesit të Berlinit në kryeqytetin shqiptar.
Ai shkruan se në Piramidën e diktatorit shqiptar do të ulën armiqtë e tij të betuar, me një vlerësim të lartë për atë që Shqipëria është sot.
“Mirmëngjesi dhe me tryezën e Samitit të parë të Procesit të Berlinit jashtë kufijve të BE-së, në Piramidën e Diktatorit në Tiranë, ku do të ulen armiqtë e tij të betuar, të cilët e shohin me respekt e me vlerësim gjithnjë e më të lartë Shqipërinë, që sot është gdhirë si Europa e Ballkanit, ju uroj një javë të mbarë”, shkruan ai.
Këtë të hënë Tirana do të presë liderë të vendeve të ndryshme në kuadër të procesit të Berlinit, ndërsa në fokus do të jenë raportet fqinjësore, zgjerimi i BE, si dhe lufta në Ukrainë.
