Prokurimet publike në Shqipëri janë problematike dhe në shumicën e rasteve, jo transparente.
Ky është shqetësimi i përsëritur i Dhomës Amerikane të Tregtisë që u ngrit sërish sot nga kryetari Enio Jaço gjatë një aktiviteti të organizuar nga Autoriteti i Konkurrencës.
Jaço kritikoi procedurat për përzgjedhjen e fituesve të kontratave publike, duke argumentuar se shpesh emrat e tyre janë të njëjtë dhe se fondet publike shpërdorohen.
ENIO JAÇO
KREU I DHOMES AMERIKANE TE TREGTISE
“Në futboll ka rregulla shumë të qarta që funksionon loja. A funksionojnë mirë prokurimet publike në Shqipëri. Përgjigja jonë është jo. Nuk funksionojnë shumë mirë prokurimet publike në shqipëri. Kompanitë e huaja rrallë marrin pjesë në prokurimet punlike. Kompanitë e brendshme janë skeptike për të marrë pjesë. Janë zakonisht të njëjtat firma që fitojnë. Ne kemi parë dhe kemi ndeshur probloeme madhore për kontratat e prokurimeve publike, për performancën e zbatimit të kontratave dhe problem të ebvidentuara nga BE për progresraportin për prokurimet publike.”
Veç shpërdorimit të fondeve publike, problemet me prokurimet sipas kreut të Dhomës Amerikane të Tregtisë sjellin edhe dëmtim të konkurrencës për bizneset, duke ulur nivelin e besimit.
Ai propozon si zgjidhje miratimin e një pakete antiryshfet për zyrtarët e lartë dhe të mesëm që japin vendime për këto tendera.
ENIO JAÇO
KREU I DHOMES AMERIKANE TE TREGTISE
“Është shumë e rëndësishme të fokusohemi te zgjidhjet. Parimi kryesor që të kemi prokurime publike që funksionojnë mirë, është transparenca, të përdoren siç duhet fondet publike. Nuk duhet të jetë një shpikje, por një akt në përputhje me kapitullin e ryshfetit të be. Duhen eliminuar ose minimizuar në maksimum rastet përjashtimore që kanë të bëjnë me prokurorimet publike që anashkalojnë procedurat standarde të prokurimit publik.”
Në rast se prokurimet publike fitohen disa herë radhazi nga e njëjta kompani, Dhoma Amerikane e Tregtisë kërkon që të ketë një informacion të qartë dhe transparent për mënyrën sesi janë menaxhuar fondet publike në të shkuarën.
