Eksperti I ekonomisë Klodian Muca është I mendimit se cmimet e karburanteve nuk reflektojnë vetëm trendin e bursave ndërkombetare. Ky treg sipas tij, prej kohësh ka mungesë konkurrence dhe se ai është I përqëndruar në pak kompani.
I ftuar në emsionin E-ZONE, Muco thotë se insitucionet rregullatore kanë dështuar në mbikqyrjen e ketij tregu.
Kompanitë padyshim që kanë të drejtë të vendosin cmimet, pasi teorikisht kemi të bëjmë me nje treg të lirë. Por është e pamundur që në këtë treg të gjitha kompanitë të kenë të njëjtin trend rritës, madje cmimet rriten njëkohësisht tek të gjithë. Pra ka një pakt mes tyre. Këtu institucioni I konkurrencës ka dështuar në monitorimin e tregut, pasi nëse ky ent publik do të analizonte të gjithë procesin, e importit, magazinimit, shitjes me shumicë dhe me pakicë, do evidentonte që në të gjithë këtë zinxhir konkurrenca është e cënuar.- u shpreh Muca.
Barra e taksave në këtë sektor është një tjetër faktor që ndikon në rritjen e cmimit, që për këtë vit ligji I ri indeksimit të akzicës sipas normës së inflacionit është një kosto e shtuar, që ligjëron rritjen e mëtejshme të cmimeve në treg.
