Tre persona janë arrestuar nga policia e Torinos, të akuzuar për grabitjen e një banke.
Të tre kishin vendosur të merrnin frymëzim nga seriali i njohur televiziv “La casa de Papel” dhe për këtë përdornin emrat e protagonistëve te serialit. Dy të dënuarit torinezë që përfunduan në pranga quheshin “Profesori” dhe “Helsinki”.
Një grua që kishte shërbyer si bashkëpunëtore gjatë një grabitjeje në Milano gjithashtu u arrestua.
Të tre akuzohen se kanë kryer një grabitje në shtator në një bankë në Milano. Për M.G, 43 vjeç dhe C.R 73, Gjykata e Milanos me kërkesë të prokurorit kërkoi arrest me burg, ndërsa për gruan S.E 53 vjeç, po nga Torino, arrest shtëpie.
Më 22 shtator, dy burrat, të dy të maskuar, kishin hyrë në bankë dhe me kërcënimin e armës, kishin marrë peng punonjësit dhe klientët për rreth 30 minuta, duke marrë 320 mijë euro.
Më pas ata ishin larguar nga banka, me një makinë që drejtohej nga gruaja, e cila i priste pak më tej. M.G dhe S.E së bashku me një bashkëpunëtor tjetër më 2 nëntor u arrestuan për një tentativë grabitjeje në dëm të një dege tjetër banke. Gjatë kontrollit në shtëpinë e C.R, nën disa pllaka në dysheme, hetuesit gjetën 56 mijë euro; e po ashtu u sekuestruan edhe 40 mijë euro të tjera që gruaja i mbante në një kasafortë.
