Vijojnë ndryshimet në radhët e Policisë së Shtetit.
Mësohet se Drejtori i Përgjithshëm i Policisë së Shtetit, Gledis Nano ka emëruar Dashamir Bendo si shef i Operacionales në Tiranë.
Alfred Cenaj shef komisariati në Elbasan. Këtë post më herët e mbante Ermal Lila, i cili tashmë është emëruar zëvendësdrejtor për hetimin e krimit në Kukës.
Pëllumb Kovashica shef komisariati në Peqin. Këtë post më herët e mbante Oltion Agolli, që tashmë do të mbajë postin e shefit të komisariatit në Pogradec.
Hajri Kushe ishte zv.drejtor për hetimin e krimit në Policinë e Kukësit, emërohet në të njëjtin post në Shkodër.
Bujar Laze emërohet shef komisariati në Korçë.
Vilson Bala, nga shef komisariati në Bulqizë, emërohet shef komisariati në Durrës.
