Pedagogu Rezart Prifti komentoi në studion e “Quo Vadis” deklaratën e kryeministrit Edi Rama, i cili paralajmëroi se do të ketë një krizë energjetike, e që mund të sjellë edhe një rritje te çmimit të energjisë.
Sipas tij, nëse kjo deklaratë do të bëhej në një vend tjetër, “ekonomia do të kishte rënë”.
“Unë nuk qahem nga shteti. Shtetit i kam varur opingat. Ne nuk na funksionon tregu, në çdo treg të botës, nëse Kryeministri do të bënte një deklaratë të tillë, do të kishte rënë ekonomia. Fakti që nuk i kërciti tregut tonë, do të thotë që nuk funksionon.”
Më tej, ai ka treguar arsyet që kanë çuar në rritjen e çmimeve.
“E di pse janë rritur çmimet në Shqipëri? Është zhvlerësuar leku, dhe korrupsion është i lartë. Çmimet janë irracionale këtu. E njëjta gjë ndodh me naftën, nuk është monipol, por degjeneratë komplet. Për të mos fol për miellin, që është krunde. Shqiptarë hanë krunde.”
