4.000 është numri i afganëve që do të vijnë për strehim të përkohshëm në Shqipëri. Kjo u konfirmua nga kryeministri Edi Rama gjatë një interviste për “CNN”, ndërsa e la derën të hapur për afganët që duan të vazhdojnë jetesën në vendin tonë, edhe pas një viti.
Vendimin për të mirëpritur refugjatët, shefi i qeverisë e argumentoi edhë një herë tjetër me faktin se kjo nuk është hera e parë që Shqipëria ndodhet në një situatë të tillë dhe vepron njësoj. Kjo pasi, sipas tij, shtëpia e shqiptarit i përket Zotit dhe mikut.
“Ne ishim të parët që dolëm dhe thamë që jemi të gatshëm njerëzit që kanë punuar me ne, për momentin po punomë për listat që po na sjellin rreth 2000 dhe 2000 të tjerë që po punojmë për t’i mirëpritur, pra do të ketë rreth 4 mijë dhe ky është numri që do të kalojnë në vendet e tjera përfshirë edhe SHBA-së. Nuk është çështja nëse jam i gatshëm, por ky është një vend ku te Kanuni ndër rreshtat e para thotë “shtëpia e shqiptarit i përket Zotit dhe mikut, ata do të jenë miqtë tanë, nëse duan të qëndrojnë le të qëndrojnë. Ne kemi kujtesë dhe besojmë se është në nderin e anëtarëve të NATO që kanë mbrojtur lerat për të cilat ne qëndrojmë, ndërkohë që rrezikon që NATO të zbehet në vendet që kërkojë liri, trajtim të barabartë për gratë. Është e qartë që jemi sfiduar në një mënyrë të tillë sic nuk jemi sfiduar më parë, jo nga ndonjë kundërshtarë, por nga vetja jonë. Sfidohemi ose të qëndrojmë për atë që i themi botës ose për zgjedhjet e ardhshme aty këtu, jemi mes sondazheve dhe objektivave dhe ky është një objektiv shumë i madh ku nuk mund të dështojmë. Jemi vend i vogël, por nuk ka rëndësi, ka të bëjë me atë që ne jemi dhe ka të bëjë me faktin që qëndrojmë për diçka që është e rëndësishme për fëmijët tanë. Ne kemi përjetuar luftën, kemi parë 500 mijë refugjatë lufte që lëvizën nga Kosova dhe ne ishim në një situatë më të vështirë ekonomike nga sa kemi qenë kenë, dhe pritja e tyre nuk na bëri të vdisnin urie, por na bëri më të pasur moralisht”, tha Edi Rama.
