Përfaqësuesi i Shoqatës së Prodhuesve Shqiptarë, Arben Shkodra tha se reforma në drejtësi i ka kushtuar shtrenjtë biznesit.
Gjatë një interviste për “Quo Vadis”, ai tha se duhet të bëhet një analizë për kostot e kësaj reforme që vetëm zgjatet në kohë.
“Gjithcka që ne çojmë ka element ekonomikë, padyshim që ka një finalizim ekonomik, por do ftoja studiues, do të ftoja konsistucionalistë, apo ekonomistë të lartë që të mblidhen bashkë e të na tregojnë një herë e mirë, ndoshta dhe një analizë se kush kanë qenë kostot ekonomike të një reforme drejtësie kaq të zgjatur në kohë, ndoshta të bërë keq nga disa element. Pra duhet një reformë në drejtësi, por duhet të ishte bërë ndryshe dhe duhet të ishte bërë me disa element zëvendësues me qëllim që ne mos të kemi këto boshllëqe. Unë besoj fort që do ishte një skup i madh mediatik po të dilte një shifër sesa mund të ketë humbur sipërmarrja shqiptare vetëm nga kjo tejzgjatje e pakuptimtë e reformës në drejtësi.”
