Nënkryetari i LSI, Petrit Vasili reagoi sërish këtë të shtunë për koronavirusin dhe masat e marra nga mazhoranca. Në “Facebook”, ai i kërkoi kryeministrit Edi Rama që të vërë në dispozicion një fond të konsiderueshëm dhe të ndalë teatrin mediatik.
“Edi Rama zgjidhe qesen, koronavirusi nuk përballet me teatër mediatik!! Mungesat në qendrat shëndetësore me dezinfektantë, doreza, alkool, maska bile edhe ujë janë fakt. Që financimi i qeverisë është shumë i ulët dhe nuk përmbush gjëkundi kërkesat edhe ky është fakt. Që personeli shëndetësor është i pambrojtur për shkak të këtyre mungesave të mëdha të materialeve bazike është fakt.”
Sipas Vasilit, kreu i qeverisë vetëm justifikohet dhe nuk merr asnjë masë.
“Që Edi Rama vetëm e vetëm justifikohet në mënyrë agresive dhe pa logjikë është fakt. Që Edi Rama gënjen duke krahasuar pa asnjë lidhje shëndetësinë shqiptare me shëndetësinë franceze vetëm për të justifikuar veten edhe ky është fakt. Që Edi Rama flet vend e pa vend dhe helmon e dëmton vendin me injorancën e tij mjekësore për koronavirusin është sigurisht fakt. Edi Rama duhet të qetësohet, të heshtë dhe përmbahet në esklamacionet e tij profane.”
