India po planifikon të dërgojë në hapësirë një robote femër. Roboti quhet Vyommitra dhe ajo pritet të niset në misionin e saj në hapësirë brenda këtij viti.
Shefi i Organizatës së Kërkimeve Hapësinore në Indi, Kailasavadivoo Sivan, e përshkroi Vyommitran si “gjysmë-njeri” sepse ajo nuk ka këmbë.
Vyommitra thuhet se flet dy gjuhë dhe do të komunikojë gjatë gjithë misionit me udhëheqësit.
Po ashtu, ajo mund të komunikojë edhe me astronautët e ardhshëm. Sivan tregoi për “Times of India” se ky mision do të nxjerrë në pah arritjet e vendit në hapësirë.
