Autoriteti rrugor ne bashkëpunim me Policinë Shtetit ka ndërhyrë për heqjen e tabelave ne jug te vendit, te cilat ishin me mbishkrime ne gjuhen greke. Aksioni i ARRSH është përqendruar ne rrugën kombëtare Qafe Muzinë-Sarandë-Konispol.
Sipas te dhënave këto tabela ishin vene pa dijeninë e entit pronar qe është Autoriteti Rrugor. Ne një njoftim për shtyp ARRSH sqaron se këto tabela ishin vendosur jashtë standardeve te përcaktuara ne kodin rrugor dhe nuk plotësonin kushtet për rritjen e sigurisë.
Për këtë qellim Autoriteti bën apel qe çdo tabele qe i shërben sinjalistikës rrugore duhet te vendoset duke respektuar ligjin ne fuqi si dhe duke marre miratimin e entit përkatës.
Ndërkohë për heqjen e tabelave rrugore në gjuhën greke ka reaguar Partia Bashkimi për të Drejtat e Njeriut si dhe organizata OMONIA. Nëpërmjet një komunikate e kanë quajtur një provokim të rëndë nga qeveria Rama.
Sipas PBDNJ dhe OMONIA tabelat ishin vendosur në mënyrë të ligjshme nga Bashkia e Finiqit mbështetur edhe ne Konventën Kuadër të Këshillit të Evropës për Mbrojtjen e Pakicave Kombëtare.
Organizata OMONOIA në njoftim thekson se do të denoncojë tek ndërkombëtaret sjelljen e Qeverisë Rama si ekstremiste dhe të rrezikshme që jo vetëm nuk përmbush të drejtën elementare të minoritetit, por synon krijimin e një klime të rënduar psikologjike.
