Në një periudhë të vështirë, kur vendi është përfshire nga zjarret, ushtarët janë në radhën e parë të luftës për shuarjen e flakëve. Kryeministri Edi Rama ka zgjedhur te solidarizohet me ta, duke i vlerësuar si heronj, përmes një postimi në Facebook. “Ushtar i parë, Vangjeli Limallari 20 vjeç dhe ushtar i parë, Ornela Shaba 22 vjeç; dy ndër shumë heronjtë e këtyre ditëve të vështira përballjesh me zjarret, në kushte klimaterike asfiksuese. Mirënjohje për ta dhe respekt për punën e tyre në shërbim të vendit”, shkruan kreu i qeverisë.
