Mediat botërore, prej disa orësh, kanë shkruar se disa foto personale të aktores së: “E bukura dhe bisha”, ishin vjedhur dhe ishin publikuar pa miratimin e saj në internet. Në këto foto shfaqet një grua nudo pranë një vaske, por Emma Watson ka mohuar që të jetë ajo.
Aktorja ka pohuar se ka rënë viktimë e hakerave, të cilët i kanë publikuar fotot e vjedhura por gjithçka është keqinterpretuar. Fotot, të cilat asaj i janë vjedhur, janë situata ku ajo është e veshur me bikini dhe jo plotësisht nudo. Watson është shprehur se për këtë situatë do t’i drejtohet gjykatës.
“Fotot, që i janë vjedhur Emma-s, janë shkrepur dy vite më parë gjatë kohës që ajo ishte duke zhvilluar disa prova veshjesh me një stilist. Nuk bëhet fjalë për foto nudo”,- është shprehur përfaqësuesi i aktores.
Thuhet se fotot janë publikuar në të ashtuquajturin “tregun e zi” ku njerëzve u lejohet të ndajnë komente dhe foto duke ruajtur anonimatin.
