Me shume se 100 raste sulmesh seksuale te denoncuara nga vajzat gjermane ne Keln dhe disa qytete te vendit, pas te cilave dyshohet se qëndrojnë grupe me persona nga Afrika Veriore, kane detyruar kancelaren gjermane, Angela Merkel te ashpërsojë tonet ndaj te huajve. Ajo ka deklaruar se personat qe do te gjenden fajtore per këto sulme, do te dëbohen nga vendi dhe se është e nevojshme qe t’u dërgohen sinjale te qarta atyre qe nuk jane te përgatitur t’i binden ligjit gjerman. Sipas Merkel, aktet e ndodhura janë te neveritshme dhe nje vend si Gjermania nuk mund t’i pranoje.
Pas sulmeve te ndodhura natën e ndërrimit te viteve, raportohet te qëndrojnë grupe me emigrante, shtetas arabe nga kontinenti afrikan. Ndonëse deri tani jane identifikuar disa persona si autore te ngacmimeve seksuale por edhe grabitjeve qe u jane bere vajzave, asnjë prej tyre nuk është arrestuar. Pavarësisht dyshimeve se pas tyre qëndrojnë emigrante, zyrtare gjermane kane paralajmëruar te behet kujdes, pasi kjo situate mund te shfrytëzohet nga grupe qe kundërshtojnë politiken e dyerve te hapura per refugjatet e qe mund te nxisin urrejtje ndaj tyre. Ministri gjerman i drejtësisë Heiko Mass tha se sipas ligjit gjerman personat qe po u shqyrtohet kërkesa per azil mund te dëbohen nga vendi nese dënohen me nje vit burg. Sulme te ngjashme me ato te Gjermanisë kane ndodhur edhe ne Austri, Zvicër dhe Finlande natën e ndërrimit te viteve.
Merkel ashpërson tonet për sulmet seksuale
