Transferimi i Rafael Leaos te Galatasaray duket se ka krijuar menjëherë një impakt të madh edhe jashtë fushës.
Ylli portugez është kthyer në një prej emrave më të kërkuar nga tifozët turq, të cilët kanë nxituar të blejnë fanellën e tij.
Sipas raportimeve të mediave turke, në vetëm pak ditë janë shitur rreth 50 mijë fanella me emrin e Rafael Leaos.
Shifra është veçanërisht e lartë, duke marrë parasysh kohën e shkurtër në të cilën është arritur.
Raportime të tilla janë publikuar edhe në mediat sportive turke, ndërsa pretendimi për 50 mijë fanella në tre ditë është shpërndarë gjerësisht.
Leao do të mbajë numrin 27 te Galatasaray dhe fanellat me emrin e tij kanë nisur të shfaqen në rrugët e Stambollit. Pritja që i është bërë portugezit ka qenë spektakolare, duke konfirmuar edhe një herë pasionin e madh të tifozëve turq për yjet e futbollit.
