43 vjet burg në total do të duhet të vuajë Emiljano Shullazi dhe grupi i tij me vendim të Gjykatës së Lartë.
Vendimi i kësaj të mërkure, i përket tre të bashkëpandehurve të akuzuar gjobëvënie sipas grupit të strukturuar kriminal në dëm të biznesmenit Ylvi Beqaj.
Kështu, Emiljano Shullazi u dënua me 14 vjet heqje lirie, Endrit Qyqja dhe Endrit Zela me 10 vjet, ndërsa Blerim Shullazi me nëntë vjet burg.
Glimando Danin që Apeli i Posaçëm e kishte dënuar me 12 vjet izolim, por u shua pasi ai ka ndërruar jetë në një atentat në nëntor të vitit që lamë pas te rrethrrotullimi i Rinasit.
Rekursi në Gjykatën e Lartë ishte dorëzuar nga banda e Shullazit, por çështja nuk u arrit të fitohej.
Ylvi Beqja në gjykatën e dikurshme të Krimeve të Rënda ka dëshmuar në 2016 kundër Emiljano Shullazit se i ka dhënë 550 mijë euro para në dorë ndërsa sipas tij u detyrua që t’i falë Shullazit edhe 30 % të ish-hotel Vollgës.
Emiljano Shullazi sakaq, mbahet në qeli edhe për dy dosje të tjera të SPAK, operacionin “Asgjë nuk harrohet” lidhur me vrasjet e dy biznesmenëve në 2005, Vajdin Lames dhe Klodian Saliut dhe po ashtu operacionin ‘Revanshi’ ku për të është kërkuar dënimi me 15vjet burg për sigurim kushtesh për të kryer vrasje ndaj dy vëllezërve Durim dhe Valter Bami.
