Papa Leone XIV do të zhvillojë një vizitë zyrtare në Francë nga 25 deri më 28 shtator. Është vizita e parë zyrtare e një Pape në Francë që nga vizita e fundit e Benediktit XVI në vitin 2008.
Presidenti francez Emmanuel Macron, në një postim në rrjete sociale, shprehu gëzimin e tij për zyrtarizimin nga Vatikani të udhëtimit të Papës në Francë.
“Kjo vizitë është një nder për vendin tonë, një gëzim për katolikët dhe një moment i madh shprese për të gjithë”, shkroi presidenti francez, i cili e kishte ftuar Papën të vizitonte Parisin më 10 prill, kur ai vizitoi Vatikanin.
Në Paris, ai do të kremtojë Meshën dhe do të vizitojë gjithashtu UNESCO-n.
Mediat franceze raportojnë se Vatikani vendosi ta mbajë vizitën e papës në Paris në shtator për dy arsye. Së pari, sepse nuk është zakon që një Papë të vizitojë vende gjashtë muaj para një zgjedhjeje të rëndësishme dhe së dyti, për shkak të pasigurisë në Francë se kush do të jetë fituesi i zgjedhjeve presidenciale që do të mbahen në pranverën e vitit 2027.
Turneu francez do të jetë vizita e dytë e Papës në një vend të madh evropian pas Spanjës (midis 6 dhe 12 qershorit). Leo XIV bëri një udhëtim të shkurtër në Monako më 28 mars.
